Stranica Mojnet.com 1.6.2017 prestaje sa radom. Svi korisnički računi i sadržaji će biti izbrisani. Hvala na razumijevanju!

Vu plavem trnaci

26. listopad 2010 ob 19:15 | 33
Vu plavem trnaci mi hiža stoji,
od zelenih veja je videti ni,
bogica je z dreva, ne vufa se reva
pokazat pred ludmi, kak da se boji.
Vre slaba je stara prek stotinu let,
od njezine brajde posušil se cvet
od blata je zbita i škopom pokrita,
ne moreš prav znati jel hiža ili klet.
Nju muški su žuli prinesli na svet
za onda dok zagorec bil je još kmet
al bila je bela i zmirom vesela,
a danas od tuge se hoče podret....

I vnogi se lajtič vu njoj je ispil,
plebanuš, vučitelj tu vinček je pil
z gosponom pogaču i orehovnjaču
je mužek rad drobil i srečen je bil.
Pod malim obločekom fantič je stal,
prelubleno dekle potiho je zval,
i vnogi je pušlec zamenil za kušlec,
a morti je fantič v komori i spal.
V toj hiži se rodil je mnogi vojak
i vsaki je sledni bil pravi junak.
Za tujca vojeval i krv je proleval
za falu su rekli mu: da je bedak.

A hižica tiha ščekuje on čas
kad jenkrat i zagorcu došel bu spas
na oko je tiha, al vetar zmir njiha
vu vejah šumečih starinski jen glas
em zagorcu samo je Zagorje raj,
nigdar nebu zabil govoriti: kaj
do krv je proleval, on žmir je popeval
še enkrat bi rad videl Zagorski kraj
pretpel je muke črez jezero let,
al zopet bu brajda potirala cvet.
Iz našega gorja vre javla se zorja
vesela i srečna bu hiža i klet.

Komentari 0

moraš se , ako želiš komentirati

Unesi email osobe kojoj želiš preporučiti ovaj blog.




trajni link



Prijavi se za nastavak

Prijavi se pomoću Facebook-a

Facebook prijava

Prijavi se pomoću Email-a

Zapamti me



Zaboravljena lozinka Registriraj se